مشروع شركه نظافه مربح جدا
فكره مشروع شركه النظافه
السلام عليكم في المدونه دي هعرفكم على فكره مشروع بس مش عايز حد يتريق طبعا فكره شركه نظافه او هتنزل تلم اسف القمامه من البيوت هتعمل شركه بتكت لكل شقه لكل بيت هتمسك منطقه ممكن تبتدي بمنطقتك بدون كسوف عادي هتجيب ناس تشتغل وتديهم اجور وتعمل ايصالات شهريه يعني مثلا لو بالبيت هتحسب لكل بيت مبلغ او ممكن تحسب بالشقه، مثلا خلي البيت 40 جنيه مثلا او بالشقه لو يعني مش منطقه سكنيه شعبيه ممكن تحسب بالشقه، ناس كثيره مش هتبقى عارفه تتخلص من قمامتها فما هتصدق ان انت تجيلها وتبقى حد منتظم معاها وتشتغل معاهم تكون يعني مكان موثوق فيه طبعا مش هقول لك بقى مكسب التيكت بس او الايصال الشهري اللي انت هتتعامل بيه مع الزباين اللي هم اصحاب البيوت اللي بيطلعوا القمامه لا ممكن تكسب كمان من فرز القمامه
انتو ممكن تتريقوا عليا بس صدقوني فكره مربحه جدا يعني ممكن تجمع مبلغ محترم شهريا
وتكتمل الفكره بعمل فريق عمل لنظافه البيوت والمكاتب والسفارات والشركات بتعاقد شهري وتكوين فريق عمل ويونيفورم
طبعا هتقولي ابدا ازاي
هقولك
●ممكن تبتدي بمنطقه شعبيه وتتفق مع الناس وتعين افرد لجمع القمامه
●لازم عربيه نقل تأجرها او تشتريها وتتفق مع تجار ياخدو منك القمامه بعد فرزها او هما يفرزوها وومكن تبدأ بتروسيكل
● تراخيص للشركه
●طباعه ايصالات وعمل دعايه للشركه ويونيفورم
الارباح
●بالنسبه للم القمامه من البيوت لو مسكت منطقه ونقول شعبيه وياسلام لو منطقتك ويكون مفيش حد بينافسك هتعمل السقه او البيت مثلا ٤٠ج شوف عدد البيوت كام ونقول مثلا ١٠٠٠ بيت ×٤٠=٤٠الف
غير ارباح بيع فرز القمامه
●وبالنسبه لشغل الشركات هتكون افراد لشركه النظافه وتتعاقد مع شركه محتاجه فريق نظافه من شركته بشكل يومي بمبلغ ٢٠ الف مثلا شهريا ومع زياده التعاقدات لكذا شركه العائد بيزيد ودي ارقام علي سبيل المثال طبعا
لاني بديك الفكره والتوفيق من عند الله مع السعي للنجاح
الخلاصه فالمشروع
هتعمل شركه نظافه شامله لمناطق سكنيه وشركات باتفاق شهري هيعملك دخل عظيم باذن الله
تعليقات
إرسال تعليق