مشروع صناعه الشموع الارقام واعياد الميلاد

مشروع صناعه شمع الارقام واعياد الميلاد والشموع المعطره:-

اهلا وسهلا بحضراتكم في يلا مشروع هكلمكم عن صناعه شموع الارقام واعياد الميلاد والشموع المعطره مشروع مربح جدا بس محتاج صبر واهتمام اول حاجه هتنزل تدور وتبحث وتعرف الاسعار بتاعه الشمع الارقام واعياد الميلاد عشان تعرف خاماتك هتكسب فيها بعد اما تشتريها ولا لا بمعنى انت هتجيب الخامات من مكان اسعاره حلوه وفي نفس الوقت انت عرفت اسعار السوق اسعار السوق عندك مثلا الشمعه الرقم مثلا بيتباع في المكتبات او في المحلات الحلويات ب 10 جنيه انت تعمل تكلفتها مثلا جنيه يا ريت 2 جنيه بكثيره اوي طيب ايه الادوات والخامات واجيبها منين.

خامات صناعه الشموع

•قالب الشمع للارقام والشمع العادي والبريزداي

•خام الشمع وبيكون في الغالب برافين اموك

•مصلب بيكون بودر

•فتيل خيط

•الوان للخلط مع الشمع 

•عطر لو هتعمل شموع معطره

•التغليف ذي ورق الكرتون وورق الفاكيوم

 كل ده جميل ازاي ابدأ صناعه الشمع

اول حاجه هتنزل تجيب الخامات تسال على الاسعار بتاعتها طيب انت مش قادر تنزل سهل على نفسك ابتدي الاول من على الاون لاين اه الاسعار هتبقى غاليه شويه بس اهي تجربه هتختار تجيب القالب والمصلب والفتيل والالوان وكل ده مكان واحد او من صفحه واحده

وبعد اما تشتري كل الخامات اللي انا كاتبها لكم فوق مثلا من على الاون لاين زي ما اتفقنا هتبتدي تعمل تسيح الشمع اول حاجه تسيح الشمع وتعمل له حمام مائي عشان ما ينفعش يبقى على نار على طول وبعد كده بتصب الشمع السايح في القوالب طبعا قبل ما تصب الشمع بتحط الخيط 

١...وضع الشمع مع المصلب بنسبه لو هتسيح ١٠٠جرام شمع هيحتاج ١٠ جرام مصلب

٢...وضعهم في حمام مائي بمعني بنحط الشمع في اناء صغير والاناء الي في شمع بيتم وضعه في اناء به ماء عالنار

٣...بنجهز القالب ونحط فتيل الشمع 

٤.. بعد ما شمع البرافين يسيح ممكن نحط لون بودر (مايكا)

٥..نصب بالقالب ونسيبو ينشف 

٦..نقوم بعمليه التغليف وهي بنلزق ورقه الفاكيوم البلاستك الشفافه مع الكرتونه او كرت الشمعه

٧..اعمل صفحه عالفيس ونعرض وننزل نسوق عالمكتبات ومحلات الحلويات ونجرب فالاول في مكتبه او مكان قريب ليك كتجربه نجاح لشكل المنتج بتاعكو.

٨..ممكن نزود شغلنا ونعمل مع قوالب الارقام والبريزداي نجيب قوالب شمع كبيره ووضع زيت عطري واستخدام كوبايات الكونكريت في صب الشمع فيها وبتتباع باسعار حلوه

طيب تجيبو منين الخامات 

ذي ماقولتكم من عالنت لو مش قادرين تنزلو في صفحات كتير للوازم وخامات الشموع ولو عايزين تنزلو في عند الموسكي والعتبه خامات ولوازم الشموع والاسعار افضل طبعا وكل لما تجيب جمله تكسب اكتر 

الخلاصه

اشتغلو وبلاش احباط كل صناعه وليها زبونها فتوكلوا علي الله وابتدو بكميه صغيره